Kandidati i Partisë Socialiste për kryetar të Bashkisë së Shkodrës Benet Beci ka folur për Luiz Ejllin, një ndër personazhet kryesorë në Big Brother, i cili është edhe pretendent për të fituar çmimin e madh.
Pak ditë më parë, Luiz Ejlli foli për Benet Becin duke thënë se ai e ka ndihmuar në një moment të vështirë të jetës së tij, duke e punësuar në kohën kur Beci drejtonte KESH.
Lidhur me këtë deklaratë të Luizit, në një intervistë televizive Benet Beci tha se Luizi është një djalë i mirë dhe e ka justifikuar atë punë që ka bërë.
“Ndonjëherë ndodh që ti mund të bësh shumë ndere dhe kam punuar shumë. Gjendet një mënyrë për ta kthyer nderin. Kjo është një mënyrë që të vjen fare papritur. Jam mirënjohës që ai është mirënjohës. Ai është një djalë i mirë i cili ka qenë dhe e ka justifikuar atë punë që ka bërë”, tha Beci.
