Ruben Saraiva, shtetasi portugez që akuzohet nga autoritetet shqiptare si ekzekutori i Ardian Nikulaj, ka reaguar në rrjetin social “Tik Tok” dhe thotë se nuk ka lidhje me ngjarjen. Orët e fundit llogaria e tij është bërë virale dhe shpërndahen video të ndryshme të vrasësit të akuzuar.
Ajo që bie në sy nga llogaria e pretenduar në emër të Ruben Saraivës, lidhet me informacioent nga Shqipëria. “Ai” shpërndan kronikat e mediave shqiptare dhe pretendon se nuk është ai vrasësi i biznesmenit, por mediat po gabojnë duke përfshirë.
Postimet e fundit të këtij shtetasi janë nga Greqia, ashtu siç është deklaruar në media, se vrasësi i Ardian Nikulaj është larguar përmes Kapshticës drejt vendit fqinj, menjëherë pas ngjarjes së 19 prillit në Shëngjin.
Edhe fotografitë që publikohen në këtë llogari në “Tik Tok” janë autentike të Ruben Saraivës dhe përputhen me identitetin e bërë publik nga Policia e Shtetit. Madje, janë fotografi që nuk qarkullojnë askund tjetër në internet, por vetëm në këtë llogari me emrin “ruben.saraiva”.
@ruben.saraiva
