Gazetari Eni Ferhati në emisionin “Open” në News24 foli për vrasjen e biznesmenit Ardian Nikulaj në Shëngjin.
Gjatë bisedës në studio, gazetari Ferhati tha se nga të dhënat e bëra të ditura dyshohet se në këtë vrasje të jenë përfshirë tre persona.
“Kanë kaluar 6 ditë, dhe në këtë ngjarje mendohet të kenë marrë pjesë 3 apo më shumë persona. Flitet edhe për një shtetas anglez rreth 40-vjeç dhe ka rezultuar se për rreth 1 javë shkonte në lokalin e viktimës. Është fiksuar teksa luante në një bilardo pranë.
Dhe një ditë para ngjarjes ka fjetur tek hoteli i viktimës. Ky shtetas anglez paguante çdo ditë paratë e qëndrimit dhe atë është larguar dhe gjatë rrugës ka ndërruar dy taksi. Është identifikuar edhe një automjet që mendohet të jetë përdoruar dhe po ashtu po hetohet edhe për persona që mund të kenë ndihmuar. Kjo duket se kjo ka qenë mënyra , kamuflimi për t’ju afruar biznesmenit. Pista kryesore mbetet ajo e një gjakmarrjeje, ndërsa hetimet vijojnë.
Është aluduar që ka qenë pa doreza, por është e kundërta , dyshimet janë që mund të ketë pasur edhe një antiplumb. Nëse do të qëndrojmë tek mënyra se si ka qëndruar ka dyshime se nuk kemi të bëjmë me një profesionist të vërtetë. Nuk do afrohej aq afër. Duket sikur është një vrasje me inat të shtuar”, tha ai.
