Loredana nuk heziton që shpesh herë të ndajë në rrjetet sociale pjesë nga jeta e saj personale, sigurisht përvec gjërave që kanë të bëjnë me karrierën e saj dhe muzikën, ndërsa së fundmi një video e saj në TikTok është bërë virale mes fansave të reperes e jo vetë.
Fillimisht duhet thënë se jemi të paqartë për jetën dashurore momentale të artises, e cila pas ndarjes nga Mozzik ka qenë shumë e paqartë, të paktën në intervistat e saj dhe postime në platformat sociale, nëse është në krahët e dikujt apo jo. Kohët e fundit ajo ka nënkuptuar se mund të ketë nisur një histori të re, teksa disa ditë më parë publikoi një foto ku në orën e saj shfaqej mesazhi “Të dua zemër”, megjithatë nuk patëm asnjë konfirmim më tej prej saj.
Tani kalojmë tek video-ja virale në TikTok, ku reperja shfaqet duke u puthur në buzë me një vajzë. Bashkangjitur me postimin shkruhet fraza: “E dashura ime e re”, ndërsa nuk kanë munguar komentet dhe reaimet nga ndjekësit e saj.
Fraza e përdorur prej artistes përdoret shpesh edhe për të treguar një shoqe të re, megjithatë ne po i mbajmë të gjitha mundësitë e hapura dhe po presim të kuptojmë cfarë po ndodh.
@loredanaofficial My new girlfriend