4 alpinistë serbë janë shpëtuar në Theth. Ministri i Mbrojtjes, Niko Peleshi, ka njoftuar se ata janë marrë nga dy helikopterë pasi kishin rrëshkitur gjatë kalimit nga Valbona në Theth. Një prej tyre kishte marrë lëndime në trup.
“Efektivët e Forcës Ajrore, me dy helikopterët AB 206 dhe EC 135 kanë transportuar me sukses 4 alpinistët serb të cilët gjatë kalimit nga Valbona në Theth kanë rrëshkitur, duke marrë lëndime në trup”, njoftoi Peleshi.
Një prej të plagosurve është transportuar drejt Spitalit të traumës dhe ndodhet nën kujdesin e mjekëve, ndërsa 3 të tjerët fatmirësisht nuk kanë lëndime./tvklan.al
