Modelja e suksesshme me famë ndërkombëtare Françeska Rustemi , së fundmi ka qenë e ftuar në limuzinën e ‘Glamour Zone’, ne një intervistë shumë të sinqertë.
Fillimet e saj, bukuroshja nga Durrësi i ka patur në emisionin ‘Stop’, pranë Saimir Kodrës dhe Gentian Zenelaj.
Gjatë rubrikës së sikletshme ‘Pyetje Hot’, moderatorja Ester Bylyku i ka kërkuar Françeskës të zbulojë 3 gjëra që nuk i kanë pëlqyer te Saimir Kodra. Duke u përpjekur t`i shpëtojë specit djegës, modelja vendosi të përgjigjet dhe tha: ‘Ai është pak i ftohtë, i mbetet hatri dhe është shumë serioz. Ndoshta pak më tepër se duhet’.
Ndërsa pyetjes se cilat janë 3 gjërat që nuk i pëlqejnë te Gentian Zenelaj, modelja iu përgjigj: Genti është më i mirë se duhet, është më gazmor se duhet, është më punëtor se duhet (qesh). Genti është shumë i mirë, nuk mund të gjesh difekte te ai.
