Një familje e varfër nga fshati Dragoç i Postribës bën apel për ndihmë në RTSH Shkodra. Familja e Sadik Hasit me 9 anëtarë mes tyre edhe gruaja e moshuar e shtëpisë e cila ndodhet e paralizuar në shtrat jeton në kushte të rënda ekonomike.
Këto ditë të ftohta dimri kanë sjellë më shumë vështirësi për këtë familje.Në kohën kur temperaturat shënojnë në minus gradë celsius, kësaj familjeje, pos ushqimit, veshmbathjeve dhe gjërave higjienike edhe drunjtë e zjarrit i mungojnë. E zonja e shtëpisë Nexhmija tregon për gjendjen e rëndë në të cilën ndodhen. Ajo apelon për ndihme nga institucionet përgjegjëse edhe nga kushdo që ka mundësi ti ndihmojë.
Temperaturat e ulëta , dhe ngricat e ditëve të fundit kanë krijuar probleme për gjithë por akoma më shumë probleme kanë krijuar për familjet e varfëra.Në Postribë ka edhe shumë familje të tjëra të cilat për shkak të nivelit të lartë të varfërisë dhe papunësisë trajtohen me ndihmë ekonimike mujore nga shteti.
