Karnevalet në Shkodër janë një traditë më shumë se shekullore dhe muaji shkurt do të sjellë në këtë qytet kremtimin dhe festimin e tyre.
Organizimi i tyre do të jetë të dielën e datës 19 shkurt ndërsa drejtuesi artistik i Karnevaleve të Shkodrës Gjon Stefa tregon detajet e festës tradicionale të qytetit. Edhe për këtë vit duket se fondet financiare në dispozicion të Karnevaleve janë sërish të vogla ndaj organizatori i tyre gjen rastin të bëjë apel për më shumë mbështetje nga ana e institucioneve për këtë festë të bukur të qytetit.
Ky vit do të shënojë edicionin e 162-të të organizimit të Karnevaleve në Shkodër dhe sllogani i tyre do të jetë “Po lehim si qeni n’hanë”.