Kryetari i PD-së Sali Berisha ka zhvilluar sot homazhe për nder të Prof. Dr. Isuf Kalo, i cili u nda nga jeta pak ditë më parë pas një sëmundje të rëndë.
Homazhet janë zhvilluar tek Akademia e Shkencave, ku Berisha ka lënë dhe një shënim. Pas nderimeve, ai u tha për mediat se doktor Isuf Kalo u nda nga jeta, por ai ka pasur dhe ka lënë një kontribut të çmuar në Shqipëri dhe Europë.
“Dua të shpreh nderimin tim, ngushëllimet, dhimbjen për humbjen e një miku me të cilin na bashkon një miqësi e pacenuar në dekada, profesor, doktor Isuf Kalo u nda nga jeta, por ai ka pasur dhe ka lënë një kontribut të çmuar në Shqipëri dhe Europë, në standardizimin e shërbimeve mjekësore.
Shpreh dhe njëherë ngushëllimet e mia më të ndjera familjes, miqve, të afërmve të profesor doktor Isuf Kalos”, deklaroi Berisha.
