Luizi i tha Efit se frika e tij më e madhe është që ai të harrohet se është banor i kësaj shtëpie, kur të dalë të martën nga dhoma.
Sipas tij, duke qëndruar tre ditë në izolim, banorët do e harrojnë fare atë. Ai madje komentoi edhe qëndrimin e Enit në këtë shtëpi, ndërsa përsëriti edhe një herë faktin që ai ka ardhur si turist, për faktin që nuk përfshihet në debate, nuk flet shumë dhe nuk është aktiv.
Sa i përket Valbona Memës, e cila hyri mbrëmë në shtëpinë e Big Brother, Luizi e komentoi hyrjen duke thënë, “U mbush me këngëtarë dasmash këtu”.
Pavarësisht opinionit të disa prej banorëve se Kiara është duke bërë lojë me Luizin, ky i fundit nuk heq dorë nga Kiara dhe nga tentativat për ta bërë atë për vete.
Duke folur me Efin, Luizi i tha asaj se ka zgjedhur variantin e tij, pra që t’i besojë Kiarës, dhe jo variantit tjetër që ajo mund të jetë duke bërë lojë.
Efi dhe Luizi folën edhe për ish-banorët e shtëpisë. Sipas Luizit, Dean e shpëtoi puthja që shkëmbeu me Amosin dhe sipas tij, kjo ishte arsyeja publiku vendosi të nxirrte jashtë shtëpisë Mikelën.
