Luiz Ejlli “fenomen”! Vjen dedikimi ‘epik’ nga fansat, ja kënga që po pushton rrjetet sociale (Video)

Një nga personazhet më të komentuar dhe të pëlqyer të momentit, është këngëtari Luiz Ejlli.

 

Me hyrjen e tij në “Big Brother VIP”, arriti të kthehej në qendrën e vëmendjes, duke u bërë një fenomen në rrjetet sociale.

 

Para se të bëhej pjesë e reality show-t, Luizi numëronte vetëm 2 mijë ndjekës në “Instagram” dhe tani në më pak se një muaj ka kapur shifrën e 298 mijë ndjekësve.

 

Me dinamikat që ka krijuar brenda shtëpisë së famshme, me humorin e tij apo dashurinë ndaj moderatores Kiara Tito, Luiz Ejlli është një nga emrat që në mediat sociale lakohet si fitues i këtij edicioni.

 

Që në ditët e para të spektaklit, Ejlli trazoi rrjetin me një rrëfim ku shprehej se vuante nga një sëmundje e rëndë, të cilën më pas e mohoi, duke bërë që të kishte aludime se po bëheshin skenare, dhe se në të vërtetë këngëtari ishte i sëmurë.

 

Pas kësaj u shtua edhe më shumë mbështetja ndaj tij, ku dhjetëra mbështetës të këngëtarit, qëndruan jashtë mureve të “Big Brother VIP”.

 

Pavarësisht sulmeve që i janë bërë këngëtarit, ai vijon të jetë një fenomen në rrjetet sociale.

 

Simpatizantët janë të shumtë, ku disa prej tyre madje i kanë dedikuar edhe këngë Luiz Ejllit. Këtë e tregon edhe videoja e mëposhtme.

 

 

Shperndaje ketë postim:

spot_imgspot_img

- PUBLICITET -

Aktualitet

NA NDIQNI NE INSTAGRAM

Te tjera
LAJME