Big Brother Vipa Albania për shkak të dinamikave, është kthyer shtëpia më e famshme në Shqipëri duke ngulitur para ekranit qindra mijëra shqiptarë.
E gjithë vëmendja është përqendruar tek konkurrenti, Luiz Ejlli, i cili me deklaratat e tij jo pak herë ka tronditur shtëpinë e Big Brother, duke bërë që të gjithë banorët të jenë kundër tij.
Një nga problemet që banorët ngrejnë ndaj Luizit, në disa raste me te drejtë, është sjellja ndaj tyre, dhe sidomos gjinisë femërore.
Megjithatë, një moment skandaloz ka ndodhur pas emisionit të mbrëmshëm, dhe protagonist këtë herë nuk ishte Luizi, por Amosi dhe Olta.
Të njohur për mbështetjen ndaj njëri-tjetrit, dhe gjithmonë kundër Luizit, mbrëmjen e djeshme, pasi kishin konsumuar alkool, kanë bërë sjellje jo etike, të paktën nisur nga “edukata” që atë mendojnë dhe e thonë me zë të lartë, se po japin gjatë qëndrimit të tyre në BBV.
Madje, Olta tenton të puthë Amosin, duke dhënë shembull jo të mirë, shokun e saj, duke mos u shqetësuar, siç e ka thënë disa herë se “kam njerëz jashtë”.
Megjithatë, publiku është ai që vendos për çdo sjellje të banorëve, dhe mbi të gjitha jo vetëm gjatë Prime.
