Në këtë periudhë përpara Krishtlindjeve, vëmendja e kinematografisë dhe e publikut rikthehet tek filmat e vjetër, pikërisht me këtë tematikë.
Mes tyre është dhe një prej filmave më të preferuar për publikun “I vetëm në shtëpi” (Home alone) me Kevin i cili “braktiset” nga familja e tij që u lërguan me pushime nga Chicago drejt Parisit.
Fansat e këtij filmi pretendojnë se kanë zbuluar arsyen e vërtetë se pse familja e la Kevinin prapa.
Një person ka publikuar në TikTok një fragment nga filmi, ku ka treguar se babai i Kevinit, Peter ishte arsyeja e vërtetë që e lanë prapa vogëlushin në shtëpi.
Peter, i cili interpretohet nga aktori John Heard, po mblidhte disa mbeturina dhe për t’i hedhur më pas në kosh.
E mes mbeturinave ishte dhe bileta e avionit të Kevinit. Në postimin e tij, fansi shkruan: Kam shumë vite që e ndjek “I vetëm në shtëpi” dhe nuk e dija që babai i Kevinit hodhi në kosh biletën e tij.
Ky postim ka marrë dhjetra mijëra komente nga fansat, të cilët thonë të njëjtën gjë. Por pavarësisht këtyre postimeve, nuk ka asnjë reagim nga prodhuesit e filmit.
