I njohur për “One-man show”, shkruan TPZ, kryeministri Edi Rama, që është mikpritës i 29 liderëve evropianë, bëri një gjest të pazakontë, duke u gjunjëzuar para kryeministrit të Luksemburgut, Xavier Bettel.
Në momentin që Bettel i është afruar me një çantë në dorë, Rama i ka dhënë dorën dhe i është ulur në gjunjë. Sigurisht pjesë e performancës për kreun e qeverisë së vendit me të ardhurat më të mëdha për frymë në BE. Pas këtij gjesti, të dy u panë duke qeshur, vijon lajmin e saj TPZ.
Kryeministri Edi Rama e ka pritur ndryshe kryeministrin e Luksemburgut, Xavier Bettel në samitin BE-Ballkani Perëndimor që po mbahet në Tiranë. Në foto shihet se Rama është ulur në gjunjë kur ka ardhur Bettel. Në momentin që Bettel u afruan me çantën e tij në dorë, Rama u ul në gjunjë për arsye që ende nuk dihet. Veprimi i kryeministrit nuk kaloi pa u vënë re, ndërsa s’munguan as të qeshurat mes tyre, por edhe gazetarëve të pranishëm.