Nga Nereida Vitoja
Reshjet intensive të shiut gjatë mbrëmjes të së mërkurës kanë shkaktuar probleme të shumta në njësinë administrative Postribë, të bashkisë Shkodër.
Deri tani mendohet të kenë rënë më shumë se 279 mm shi, reshje rekord krahasuar me ato të dimrit të kaluar. Rrugët e bllokuara nga rrëshqitja e gyrëve dhe dheut kanë vështirësuar edhe më tepër lëvizjen e mijëra banorëve, të cilët përmes rrugës së Prekalit lidhen me njësi të tjera administrative.
Banorët kërkojnë angazhim më të madh nga ana e bashkisë Shkodër për pastrimin e rrugëe nga dheu dhe gurët.
Rrëshqitja e dherave dhe gurëve në rrugën e Prekalit, e cila kalon përmes disa fshatrave të njësisë Postribë është një problem I përsëritur ndër vite. Por pavarësisht situatës kritike që paraqitet, institucionet përgjegjëse duket se nuk e kanë marrë seriozisht rrezikun që I kanoset qindra banorëve në këtë zonë
