Nga Ketjola Geshtenja
Një nga trashëgimtaret e shtëpisë muze Pashko Vasa në Shkodër, Rajmonda Vasa ka hedhur sërish akuza sa i takon mungesës së mirëmbajtjes së këtij monumenti kulturor. Sipas saj kjo shtëpi po shkatërrohet dita ditës dhe institucionet përgjegjëse nuk po bëjnë asgjë për të ndërhyrë.
Nga ana tjetër Besara Podgorica drejtore rajonale e trashëgimisë kulturore shprehet se institucioni në varësi të saj ka realizuar dy projekte të cilat janë miratuar nga ana e ministrisë së Kulturës por trashëgimtarët e nuk kanë plotësuar dokumentet e nevojshme në mënyrë që të nis puna për rikonstruksionin e saj.
Shtëpia muze e Pashko Vasës është ndëtuar rreth 300 vjet më parë por mungesa e mirëmbajtjes ka bërë që kjo shtëpi të dëmtohet dita ditës.
