Duhet provuar patjetër/ Pilafi Ali Pasha – Receta e Pjatës Tradicionale Shqiptare

Gojëdhënat tregojnë se një prej ushqimeve më të preferuara të Ali Pashë Tepelenës, një prej personaliteteve më të pushtetshme në historinë shqiptare, ishte pikërisht pilafi.

 

Një pjatë e tillë, një nga më tradicionalet e Shqipërisë, serviret rëndom në shumë restorante jo vetëm në Tiranë por edhe në jug të vendit.

 

Në zona të ndryshme këtë pjatë e përgatisni me të brendshmet e pulës, por AgroWeb.org ju sugjeron që ta provoni me mishin e qengjit.

 

Si Ta Gatuani Krejt Lehtë Pilafin Ali Pasha
Përgatitja e kësaj pjate kërkon mjeshtëri të vërtetë.

 

Përbërësit:
2 qepë mesatare

 

400 gramë mish qengji,

 

3 filxhanë çaji oriz

 

6 filxhanë çaji me lëng mishi

 

1 filxhan çaji gjalpë,

 

100 gramë bajame,

 

20 gramë rrush të thatë,

 

Gjysmë luge çaji kanellë

 

Përgatitja:
Pastrojeni orizin dhe lëreni mënjanë. Bajamet hidhini në një enë me ujë të nxehtë dhe mbajini për pesë minuta.

 

Më pas kullojini dhe hiquani cipën.

 

Rrushin e thatë futeni në një tas me ujë të nxhetë dhe më pas kullojeni.

 

Prisni qepët hollë dhe ndajini mënjanë.

 

Mishin e qengjit shpëlajeni me ujë dhe më pas prijini në copa të vogla.

 

Vendosni një tenxhere në zjarr dhe shtoni gjalpin.

 

Kur ky të jetë nxehur mjaftueshëm, shtoni qepën dhe kavërdiseni derisa të zbutet.

 

Qepa nuk duhet lejuar të marrë ngjyrë.

 

Më pas kur qepët të jenë zbutur, shtoni copat e prera të mishit dhe kavërdisini për disa minuta.

 

Bajamet e pastruara nga cipa prijini me thikë në copa më të vogla.

 

Të njëjtën gjë bëni edhe me rrushin e thatë.

 

Shtojini ato në tenxhere dhe përziejini bashkë.

 

Shtoni orizin dhe përziejeni deri sa ai të jetë mjaftueshëm i nxehtë.

 

Shtoni lëngun e mishit dhe më pas kripën.

 

Uleni temperaturën dhe mbyllni kapakun e tenxheres.

 

Lërini të ziejnë të gjithë përbërësit për rreth gjysëm ore ose deri sa lëngu të ketë shteruar plotësisht.

 

Kur pilafi të jetë zier plotësisht, hiqeni tenxheren nga zjarri dhe lëreni mënjanë për 15 minuta me kapak të mbyllur.

 

Më pas pilafin përziejeni me lugë druri duke shtuar piper të zi dhe kanellën pluhur./AgroWeb.org

Shperndaje ketë postim:

spot_imgspot_img

- PUBLICITET -

Aktualitet

NA NDIQNI NE INSTAGRAM

Te tjera
LAJME

Të moshuarit i rrëzohen frutat e perimet në rrugë, djali ndalon makinën dhe e ndihmon

Shpesh herë jemi mësuar të dëgjojmë vetëm për akte...

Shokohet vajza pasi ndahet! Ish i dashuri i dërgon faturat e harxhimeve: Mi paguaj…!

Të gjithë e dimë se marrëdhëniet janë një investim...

Do festonte datëlindjen sot, Aida Shtino rrëqeth: Po kalon i pesti vit pa ty, do pi me foton tënde

Aida Shtino është një ndër moderatoret më të njohura...