Pak kohë më parë teksa ishte e ftuar te “E diell” Beniada bëri publike lidhjen e saj të dashurisë. “Është një djalë simpatik po vetëm simpatik kaq. Nuk mund të them që është as Italian as shqiptar pasi është ka udhëtuar shumë edhe… shqiptar”, u shpreh modelja pa dashur të zbulojë më shumë.
“Panorama.plus” ka zbuluar se i dashuri i Beniadës është vëllai i opinionistit Arbër Hajdari, Blerti. Megjithatë mësohet se dyshja nuk janë njohur nga Arbri, por gjatë “Procesi Sportiv”, ku Blerti ka shkuar i ftuar si një ish-futbollist i mirënjohur.
“Panorama.plus” bën të ditur se Blerti është rikthyer para pak kohësh nga SHBA ku jetonte prej vitesh. Ai është baba i dy fëmijëve të vegjël nga një histori dashurie që ka pasur në New York.
Tashmë ai ka nisur një lidhje të re me Beniadën dhe dyshja dalin bashkë publikisht. Dyshja e ka bërë daljen e parë publike në premierën e filmit të Eduart Grishajt.
