Një 51-vjeçar shqiptar ka humbur jetën më 5 nëntor në SHBA.
Shqiptari Petrit Marku me origjinë nga Lezha ka humbur jetën në një aksident tragjik në Middletown, në shtetin e Connecticut. Marku po udhëtonte me një makinë tip “Ford F350” kur u përplas me një makinë tip “Volvo” të drejtuar nga 47-vjeçari Rami Ghanem nga Cordova, Tenesi.
Përplasja ishte tragjike për 51-vjeçarin shqiptar i cili u shpall i vdekur sapo mbërriti në spital. Shqiptari lë pas dy vajza dhe bashkëshorten.
Policia amerikane po heton rrethanat dhe shkaqet e aksidentit tragjik.
