Kërkoi ndihmën e gjithë shqiptarëve për të kuruar vëllanë e sëmurë, i riu merr 100 mijë euro dhe ia mbath (video)

Një person i prezantuar si Armend Morina, për disa ditë u lut që në portal të Klan Kosovës të bëhet një lajm me të cilin njerëzit e vullnetit të mirë, do të ftoheshin ta ndihmojnë vëllanë e tij, Blerimin për t’u shëruar nga leukemia acute. Madje, i njëjti edhe kishte telefonuar në redaksi.

 

Lajmi tashmë kishte dalë edhe në disa medie tjera online, por edhe televizione, dhe më në fund, edhe redaksia e Klankosova.tv vendosi të kontribuoj, sikur në shumë raste të tjera. Andaj një gazetar u angazhua që të flas me Armendin. Në kësi rrethana, fatkeqësisht, dhembshuria mund ta lë argumentin në radhë të dytë.

 

Lajmi i bazuar në bisedë që gazetari kishte, por edhe në të dhënat e një profile me emrin e Blerim Morinës, doli në portal. Edhe në këtë rast, si në shumë të tjerë, pati mobilizim të vullnetmirëve. Shumë sish e kontaktuan atë që u prezantua si vëllai I Blerimit dhe e siguruan se paratë e nevojshme do të mblidhe.

 

Por, gjërat nisën të marrin kahje të dyshimtë. Telefoni i personit të prezantuar si Armendi, ka disa ditë që nuk funksionon më. Dhe donatorët kanë nisur të shqetësohen nëse paratë e dhuruara vërtetë shkuan ku duhet, apo u mashtruan.

 

Kjo, shtyri Klanin që të nis kërkimin për të. Një ekip qëndroi në Mitrovicë, qytetin e prezantuar si vendbanim i Blerimit. Por, nuk e njohu kush as në rrugën Agim Ramadani që u dha si adresë e tij, e as në pjesë tjera të qytetit.

 

Ndërkohë, as në Klinikën e Hematologjisë ku trajtohet Leukemia acute, nuk kanë mundur të konfrmojnë në fundjavë se kanë pasur pacient me emër të tillë.

 

Drejtori Shemsedin Sadiku, I tha Klanit se as atij e as stafit nuk i kujtohet kësi pacienti, ani se zyrtarisht kjo mund të konfirmohet tek të hënën.

 

Emisioni hulumtues Kiks Kosova, është duke u marrë më thellësisht me këtë rast, dhe të tjerë të kësaj natyre, dhe pritet të sjellë më shumë detaje të martën mbrëma. Kjo, derisa pritet që edhe organet hetimore të merren me këtë. /Klan Kosova

 

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

NJË TJETËR ATRAKSION, SË SHPEJTI ZIP LINE NË THETH

Një risi që i shtohet Alpeve të Shqipërisë është...

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...