Një 43 vjeçar nga Fieri i cili është rritur në shtëpinë e fëmijës, jeton në kushte të vështira ekonomike. Ai thotë se vuan edhe nga një sëmundje e rëndë, kërkon ndihmë për një operacion që kushton 15 mijë euro.
Vite e para të jetës Arben Hodaj i kaloi në shtëpinë e Fëmijës “Zyber Hallulli” në Tiranë, e më pas fati e përplasi në sëmundje e varfëri.
43 vjeçari jeton në këtë dhomë në Fier të cilën ia paguan Bashkia.
Sëmundja e rëndë ia ka vështirësuar jetën, ndaj ai kërkon ndihmë.
Arben Hodaj: “Unë kam një sëmundje që është shumë e keqe, duhen 15 miljon të bëhem operim që unë të shërohem. Duhen 15 mije euro”
Prindërit i vdiqën që kur ishte i vogël ndaj nuk ka asnjë mbështetje.
Arben Hodaj thotë se merr edhe një KEMP prej 11000 lekësh por që janë të pamjaftueshëm për të jetuar normalisht.