Këngëtarja e njohur Elsa Lila pas lirimit nga burgu në Itali do rikthehet në Shqipëri, ku dhe do të marrë pjesë në festivalin e edicionit të 61-të të Festivalit të Këngës në Radio Televizionin Shqiptar.
Në listën e publikuar nga RTSH me listën pjesëmarrëse të artistëve në këtë festival dhe këngëve të tyre, ajo që bie në sy është pikërisht emri i Lilës dhe këngës që ajo do këndojë.
Interesant është fakti se kënga e titulluar Evita, është emri i vajzës së këngëtares. Ajo shihet si favoritja kryesore për të fituar vendin e parë dhe për të përfaqësuar Shqipërinë në Eurovizion 2023.
Ndryshe nga sezonet e fundit këtë herë vihet re se ka këngëtarë me shumë eksperiencë dhe emra vërtet që kanë lënë gjurmë në historinë e muzikës sonë.
Përvec Elsa Lilës, emra të tjerë me peshë janë edhe Rovena Dilo, Manjola Nallbani etj. Po ashtu nuk mund të kalojë pa u vënë re edhe emri i Fifit.
Por kush do jenë konkurrentët e këtij sezoni?Eurovizion Albania ka zbuluar listën me 26 këngëtarët pjesëmarrës dhe titujt e këngëve të tyre.
