Me siguri të gjithë e mbani mend Vjollcën që u shfaq te “Shihemi në Gjyq” në E diela Shqiptare. Deklaratat e saj “Çantën në krahë, pi kafe në lokal, kokrrën e qejfit…” u bënë mjaft virale në rrjet.
Pak kohë më parë ishin disa media që publikuan lajmin se Vjollca kishte ndërruar jetë. Por së fundmi ajo është shfaqur përsëri në media.
Ka qenë gazetari Flori Gjini që e ka intervistuar në emisionin “Real People” në EuroNews. Teksa ka postuar një video në Tik Tok, gazetari shkruan:
“Vjollca është shëndoshë e mirë. Si i priti ajo videot në rrjetet sociale dhe a është ajo e lumtur me Zenin”. Intervista do të shfaqet gjatë ditës së sotme.
Vjollca u bë virale në rrjet me deklaratat e saj dhe për ditë të tëra ishte kryefjalë e mediave rozë dhe sidomos e ‘memeve’ në Instagram dhe TikTok.
Sot Vjollca duket në gjendje shumë të mirë dhe mezi po presim të shohim intervistën e saj të plotë. Një personazh si ajo gjithmonë është interesant për ta ndjekur.
