Për herë të parë në një televizion në Shqipëri, Nora Malaj dhe disa gra të njohura ndërmarrin vendimin e papritur LIVE

Gratë në mbarë botën po bashkohen në protestë kundër qeverisë iraniane duke prerë flokët. Nismës i janë bashkuar edhe gratë shqiptare.

 

Mëngjesin e ditës së sotme, ish-ministrja Nora Malaj, doktoreshë Senera Hoxha dhe aktivistja e shoqërisë civile në Kosovë Mimoza Gavrani kanë prerë flokët live në emisionin “Good Morning Albanians” në Euronews Albania.

 

Ato u shprehën se rasti i 22-vjeçares në Iran i ka sensibilizuar për të bërë një gjest simbolik në kuadër të asaj që quhet liria e paqes dhe e drejta e njeriut.

 

“Kjo ngjarje na ka sensibilizuar brenda vetes për të bërë një gjest simbolik në kuadër të asaj që quhet liria e paqes dhe e drejta e njeriut”- tha Nora Malaj.

 

“Duke parë një solidaritet si rrallë herë mes grash nga e gjithë bota, mendoj se duhet t’i bashkohesha edhe unë kësaj kauze për lirinë e grave që po vriten nga policia e moralit”- theksoi Senera Hoxha.

 

Teksa ka folur për rastin e vajzës në Iran, në një moment Nora Malaj është përlotur.

 

“Kauza nuk është vetëm e grave por edhe e shoqërisë, mendoj se roli i gruas është edhe i nënës e motrës; është një rol shumë i rëndësishëm në edukimin e familjes. Prehri i nënës është prehri i ngrohtë ku ti gjen zgjidhje në situata të vështira. Shoqëria është ende shumë larg asaj që ne duam të ndërtojmë.”- tha ajo.

 

 

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...