Alketa Vejsiu ka bërë së fundmi një bisedë virtuale me ndjekësit në Instagram, ku këta të fundit i kanë drejtuar pyetje nga më të ndryshme si nga jeta private, ashtu dhe ajo profesionale.
“Në çfarë pune je aktualisht dhe sa paguhesh?”, i ka shkruar një prej tyre. Alketa nuk e ka treguar pagën aktuale, por ka zbuluar se sa është paguar në fillimet e karrierës së saj.
“Skena dhe tv janë pasioni im më i madh. Kam një pagë të kënaqshme. E kam nisur në Top Albania 14 vjeç me 250 mijë lekë të vjetra, pastaj 500 mijë lekë! Ndihmoja familjen. Qerasja shokët dhe shoqet te Bar Intimiteti afër Petro Ninit. Isha e lumtur”, ka shkruar ajo.