Në rubrikën “Ka një mesazh për ty” te e Diela Shqiptare, Ana ka treguar se po lufton me sëmundjen e rëndë të kancerit, duke treguar se doktorët nuk i ka dhënë shpresa për jetën.
Teksa rrëfen për jetën e saj, Ana ka treguar se ka një djalë me ish-partnerin Massimo, nga i cili është ndarë vite më parë, ndërsa tregon se ka njohur dashurinë e jetës në Itali, ku dhe jeton.
“E di që sot ke ardhur me vështirësi të madhe se e di që nuk të pëlqen të dalësh në TV. Të falënderoj se në momentin që nuk kisha besim te vetja ime ti më the mos i humb shpresat.
Të falënderoj ku më ke larë si një fëmijë të vogël dhe më the e kam kënaqësi të laj gruan time.
Kur kaloje netë në makinë, kur unë merrja trajtimet, për momentet që unë mbuloja pasqyrat dhe ti më thoje se je gruaja më e bukur në botë dhe duhet ta shikosh veten. Edhe një milion jetë të tjera unë do të të zgjidhja ty”, ishte mesazhi i Anës.
