Reshjet e dendura të shiut përmbytin bizneset në pedonale. Dëmet janë të…

Shiu i rrëmbyeshëm, i rënë mbrëmjen e djeshme në të cilën u përfshi qyteti i Shkodrës ka shkaktuar dëme të konsiderueshme edhe në bizneset që janë të vendosura në pedonalen “Kolë Idromeno”.

 

Itensiteti i lartë i reshjeve si dhe mosfunksionimi i kanalizimeve ka bërë që uji të vërshojë në dyqane.

 

Me largimin e ujit ditën e sotme dhe kthimin në normalitet, tregtarët kanë nisur të pastrojnë bizneset e tyre dhe të llogarisin dëmin e shkaktuar nga kjo përmbytje.

 

Tregtarët tregojnë se nga kjo situatë u janë shkaktuar dëme të mëdha materiale.

 

Edhe paraditen e sotme reshjet kanë vijuar ,dhe një pjesë e qytetit u ndodh sërish nën ujë, ndërsa më shqetësuese situata mbetet në njësitë administrative rrethinave.

 

TE TJERA