Sikur e kanë bërë për provokim apo si? Festë me birra e qofte tek dera e xhamisë

Kryetari i Bashkia Bulqizë, Lefter Alla ftoi banorët e qytetit që ti bashkoheshin dy netëve festive, me muzikë dhe argëtim. “Bashkia Bulqizë organizon koncert festiv 2 ditor për të kaluar mbrëmje të paharrueshme në qytetin tonë.” thuhet në njoftimin publik të bashkisë.

 

Vendi për zhvillimin e kësaj feste u caktua parku përballë xhamisë së qytetit. Por kjo do të krijonte një shqetësim tek besimtarët mysliman, pasi në hyrje të xhamisë, ishin ngritur tenda për shitjen e birrës.

 

Në Islam janë haram të hahen dhe të pihen të gjitha ato gjëra që të heqin (trullosin) mendjen, helmojnë trupin ose që janë të dëmshme për shëndetin e njeriut.

 

Për këtë arsye, feja Islame ka ndaluar çdo lloj pije dehëse. Myftiu i Bulqizës, Sejdin Strazimiri, në një reagim në rrjetin social Facebook, do ta konsideronte një veprim të tillë “turp të madh”.

 

Besimtarët dhe qytetarët e kanë quajtur të papranueshme, duke ngritur shqetësimin se një veprim i tillë i organizatorëve, nuk duhet të kishte ndodhur. Për këtë ngjarje ka pasur reagime të shumta edhe në rrjetet sociale.

 

Shumë prej tyre e quajnë provokim këtë gjë dhe s’duhet të ndodhë më, pasi është e paparanueshme të bëhet kjo gjë para Xhamisë së qytetit, kur ke plot vende të tjera.

TE TJERA