Drini Zeqo dhe partnerja e tij…në ekran!

Me një foto, Drini Zeqo konfirmoi për herë të parë nisjen e programit të mëngjesit në A2CNN, duke zënë aty vendin e Blendi Salaj që kalon tek Wake Up, në Top Channel.

Në foton e postuar prej tij, Drini shihet në krah të moderatores tjetër të këtij emisioni, Aulona Minga, qo të jetë tashmë partnerja e vet e përditëshme në ekran, teksa gazetari dhe spikeri i njohur nis tashmë një aventure të re, duke lënë karrigen statike të lajmeve për një program mjaft më të clirët sic është ai i orëve të para të ditës në një televizion të ri për të.

Disa ditë më parë u mësua largimi i tij nga Tv Klan, dhe tashmë Zeqo duket se është gati për rrugëtimin e ri.

Ai e nisi karrierën e tij në Top Channel, ndërsa që prej 2006 kishte punuar si gazetar dhe spiker në mediat e administruara nga grupi Klan, në televizionin Kombëtar Klan e në Abc për disa vite. Zeqo ka drejtuar lajme dhe programe, si dhe ka qenë redaktor në programin “Opinion” të Blendi Fevziut.

TE TJERA