Gjithmonë e më shumë shohim rininë që mëson gjuhë të huaja,
kjo është kulturë mirëpo vërejmë se edhe në në të folur edhe në mesazhet e shkruara ata përdorin shpesh fjalë të huaja dhe iu duket me trendi kur flasin kështu, duke mbivlerësuar gjuhët e huaja.
Lidhur me këtë çështje shkrimtari dhe profesori Edmond Tupja ka folur mbi rrezikun e zhdukjes së gjuhës shqipe apo transformimit të skajshëm të saj si pasojë e globalizimin gjuhësor dhe kulturor.
Tupja u shpreh se beteja që bëjnë ata që e duan gjuhën shqipe ishte gjysma e humbur sepse njerëzit në Shqipëri vendosin interesin ekonomik para çdo gjëje.
Mesa duket beteja që bëjnë ata që e duan gjuhën shqipe është tashmë gjysma e humbur. Më vjen keq që po e them sepse pavarësisht përpjekjeve që po bëjnë gjuhëtarët, po shoh se nuk po fryn erë e mbarë për gjuhën shqipe dhe kombin shqiptar.
Në një vend të varfër si Shqipëria, interesi kryesor është ekonomik dhe shesin jo vetëm votën por edhe shpirtin për një grusht parash.
Kjo mua më pezmaton dhe më hidhëron jashtë mase dhe nuk jam i vetmi fatkeqësisht. Do vijë dita që do themi: Do you parlate shqipish? Që të merremi vesh midis nesh”– u shpreh profesori ndër të tjera.
