Punonjësit e Bashkisë vjedhin pakot e ndihmave për njerëzit në nevojë. Emrat e 4 personave që kryen këtë veprim

Përvetësuan duke shpërdoruar detyrën, pako me ndihma të dhuruara për qytetarët, ndalohen 4 punonjës të bashkisë Pogradec, bashkëpunëtorë në këtë veprimtari.

 

Ndalohen dhe kapen pakot e përvetësuara dhe automjeti me të cilin do të transportoheshin. Nisur nga një video e publikuar mbrëmjen e djeshme në rrjetet sociale, në të cilën shfaqeshin punonjës të bashkisë Pogradec që përvetësonin pako me ndihma të dhuruara.

 

Ndihmat ishin dhuruar nga donatorë të huaj për komunitetin e Pogradecit, menjëherë specialistët filluan veprimet për verifikimin e rastit dhe për identifikimin e personave përgjegjës.

 

Nga provat e grumbulluara dhe nga hetimet e mëtejshme të kryera, u bë i mundur dokumentimi i plotë i kësaj ngjarjeje. Si rezultat, u kapën në flagrancë 4 personat.

 

– Reshit Fraholli, 58 vjeç, banues në fshatin Çërravë, Pogradec; – Raif Muçka., 58 vjeç, banues në Pogradec; – Bektash Xhudellari, 35 vjeç, banues në Hudënisht, Pogradec; – Marsel Muçllari, 35 vjeç, banues në fshatin Çervenakë, Pogradec.

 

Këta shtetas, me detyrë punonjës pranë bashkisë Pogradec, në bashkëpunim me njëri-tjetrin, në ambientet e pallatit të sportit, në qytetin e Pogradecit, përvetësuan disa pako me ndihma, të dhuruara nga donatorë të huaj, për komunitetin e kësaj bashkie.

TE TJERA