Ndahet nga jeta në moshën 78 vjeçare mjeku shqiptaro – amerikan, i njohur ndërkombëtarisht, Filip Çaushaj. Kryemjekja Lida Shosha ndau lajmin e hidhur në rrjetin social Facebook .
Mikja e tij Lida Shosha shkruan:
“E deshi shumë vendin e origjinës, Shqipërinë, i deshi shumë shqiptarët, ndihmoi pamasë e frymoi deri në fund për Shqipërinë. CV e mjekut legjendë është aq e pasur sa nuk e nxënë dot këto reshta, mjeku i nderuar kudo në bote, por më i pasur ishte shpirti i tij fisnik, i mençur, modest, bujar, dashamires, përtej çdo limiti njerëzor që kam njohur deri më sot. Sot humba një mik të shtrenjtë, parajsa fitoi një legjendë.”
Me një karrierë të spikatur doktor Filip Çaushaj është pioner në kirurgjinë laparaskopike të zorrës së trashë dhe ështe vlerësuar me tituj në shumë spitale dhe universitete nëpër botë.
