Nga Nereida Vitoja
Rritja e fundit e çmimit të naftës ka ndikuar menjëherë në çmimet e produkteve të bulmetit apo fruta – perimeve në Shkodër.
Të pyetur nga Star Plus, qytetarët shkodranë thonë se rritja e vazhdueshme e çmimeve është e papërballueshme. Ata kërkojnë që autoritetet të kontrollojnë çmimet e produkteve të bulmetit, pasi pothuajse janë dyfishuar të dyja çmimet.
Ndërkohë, ka edhe nga ata qytetarë që thonë se tregtarët po abuzojnë me çmimet.
Disa herë gjatë muajve të fundit, përmes Star Plus qytetarët shkodranë kanë kërkuar nga institucionet që të ndëhyjnë për stabilizimin e çmimeve për produktet e shportës. Situata e krijuar nga kriza ekonomike vetëm po rëndon gjendjen e tyre ekonomike dhe sociale
