Nga Merisa Gjoni
Papastërtisë dhe pamjes së shëmtuar mes mbeturinash nuk i kanë bërë përjashtim as monumentet kulturore.
Ura e Mesit mbetet një nga monumentet kulturore më të frekuentuara në Shkodër. Lukas është një nga turistët që nëpërmjet internetit është njohur me Urën e Mesit. Pamja e mrekulleshme por dhe lashtësia e saj e kanë bërë gjermanin të udhëtojë drejt fshatit Postribë për të parë nga afër urën.
Pavarësisht numrit të lartë të turistëve që vijnë vizitojnë Urën e Mesit, shqetësues është fakti që zona në afërsi të saj është pushtuar nga mbeturinat.
Ndonëse është mesi i sezonit turistik, ku numri i turistëve është i lartë sërish pamja që i ofrohet atyre në këtë pikë turistike lë për të dëshiruar. Kjo pamje përveçse krijon një imazh negativ për vizitorët gjithashtu mund të bëhet edhe burim infeksionesh në një kohë kur temperaturat janë të larta.
https://fb.watch/f3dUrafxbW/
