Një aksident me pasojë 3 të plagosur ka ndodhur mbrëmjen e së hënës në Tiranë. Policia bën të ditur se aksidenti ka ndodhur në afërsi te “Kodra e Diellit”.
Sipas policisë, shtetasja D. G., 29 vjeçe, duke drejtuar mjetin ka aksidentuar këmbësorët B. H., 60 vjeç, V. H., 57 vjeçe dhe A. T., 27 vjeçe, të cilët si pasojë janë dëmtuar dhe ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit. Pas pak pritet njoftimi i plotë dhe i detajuar i policisë.
Burime jo zyrtare dhe ende të pakonfiruara thonë se dy nga të lënduarit ndodhen në gjendje kritike dhe janë dërguar me urgjencë në spital.
Ndërsa i lënduari i tretë është në gjendje të mirë shëndetësore dhe është dërguar në spital për kontrollin e nevojshëm, por nuk është në rrezik jete.
Ende nuk dihet shkaku i ngjares, por nuk është hera e parë kur femrat në timon bëhen shkaktare të aksidenteve të ndryshme në Tiranë.
