Blogerët e famshëm në lumin e Shalës/ Kryeministri Rama publikon pamjet e vlogut në Facebook

Lumi i Shalës dhe liqeni i Komanit janë destinacionet që po kthehen ndër më të preferuarit e turistëve të huaj.

 

Bukuritë e këtij lumi në gji të Alpeve shqiptare kanë sjellë së fundmi edhe dy blogerët e famshëm kanadezë Steve & Ivana ku së bashku edhe me një miken e tyre amerikane kanë vendosur t’i eksplorojnë përmes lundrimit me kajak këto perla të natyrës shqiptare, duke e ndarë këtë përvojë unike përmes një vlogu të realizuar e të publikuar në kanalin e tyre në You Tube.

 

Këtë fakt sa të bukur aq edhe të veçantë e ka ndarë përmes një postimi në rrjetin social të Facebook-ur edhe kryeministri i vendit, Edi Rama ndërsa më tej ai shkruan se 76 mijë vizitorë amerikanë kanë ardhur në Shqipëri në këta shtatë muaj, 50% më shumë se një vit më parë;

Po ashtu vërehet një rritje e ndjeshme e turistëve nga Kanadaja prej nga kanë ardhur 13 mijë vizitorë krahasuar me 5 mijë të së njëjtës periudhë vitin e kaluar.

 

Bukuritë e lumit të Shalës do të vijnë së shpejti në ekranin e RTSH Shkodra përmes një reportazhi dedikuar natyrës së mrekullueshme të kësaj zone.

TE TJERA