Klaudia Pepa është një ndër balerinat më të njohura shqiptare. Prej vitesh tashmë ajo jeton në Itali, ndërsa së fundmi ka vendosur që pushimet e verës t’i kalojë në Greqi.
Ajo ka postuar disa foto nga Kreta, duke shprehur dashurinë për vendin grek, pork jo ka sjellë komente të shumta të ndjekësve të saj, të cilët e kanë pyetur se pse nuk pushon në Shqipëri.
Vetë Pepa ka publikuar disa foto në Instagram, ku i ka shoqëruar me mbishkrimin: Nga Kreta me dashuri. Ajo ka zgjedhur ishullin më të madh grek, Kretën për tu ‘arratisur’ nga përditshmëria e saj.
Që pas ndarjes nga Albi Nako, Klaudia Pepa nuk është përfolur për një histori dashurie. Balerina, e cila jeton prej disa kohësh në Itali ku dhe ka ndërtuar një karrierë të suksesshme, ka preferuar që ta mbajë larg vëmendjes së mediave jetën private.
Mirëpo, e ftuar pak javë më parë në emisionin në “Kurthin e Piter Pan”, balerina ka treguar për herë të parë se është e dashuruar.
“Një shok e kam dhe unë”, tha Klaudia duke mos preferuar që të ndajë detaje. Sa i përket Eurovisionit, tha se e shikoi pafund dhe ndihet e lumtur për jehonën që pati.
