Xhemi Shehu dhe Arbana Osmani kanë ndërtuar vit pas viti një shoqëri për tu pasur zili.
Dy moderatoret kalojnë shpesh kohë me njëra-tjetrën dhe publikojnë foto e video në rrjetet e tyre sociale, tek të cilat nuk mungojnë as notat e humorit. Kështu ka ndodhur edhe së fundmi me postimet e tyre në rrjetet sociale që tregojnë raportin e ngushtë mes dy moderatoreve.
Xhemi ka publikuar në Instastory një video me Arbanën, e cila i kërkon mikeshës së saj t’i bëjë një foto.
Më pas Xhemi ka postuar një foto me Arbanën ku shkruan, “Foto bukur” dhe i bën tag kësaj të fundit.
Në një tjetër video Xhemi shkruan duke qeshur se partneri i Arbanës, Eduard Grishaj, është xheloz.
“30 minuta para se ta tregonte qejfin mirë Eduarti se si ishe veshur”- shkruan Xhemi krahas videos.
Ndërkohë Arbana i është përgjigjur vetëm videos së parë të Xhemit krahas së cilës shkruan: “Bukur jam veshur edhe sot por s’denjon zotrote të dalësh me mua.”
Dy mikeshat e ngushta, Xhemi Shehu dhe Arbana Osmani, u kthyen në qendër të vëmendjes me batutën e nisur pak ditë me parë në rrjetet sociale.
Pak ditë më parë, dy moderatoret, zhvilluan një bisedë virtuale në Instagram përmes postimeve në story. Gjithçka nisi nga një ndjekës i Arbanës, i cili e pyeti moderatoren “Pse e ke lënë Xhemin pas dore”
“Xhemi është momentalisht në Milano, me një shoqe të re, shopping dhe dining nëpër vendet ku do të shkonim bashkë… kush ka lënë pas dore kë”- ishte përgjigja e Arbanës, ku kishte etiketuar edhe Xhemin.
