Një ngjarje shumë e cuditshme ka ndodhur të mërkurën në Itali. Mediat lokale bëjnê me dije se një 43-vjeçare me origjinë shqiptare, nënë e tre fëmijëve ka humbur jetën pasi ka rënë nga ballkoni i shtëpisë së saj.
Ngjarja ka ndodhur rreth orës 22:40 të mbrëmjes së të mërkurës në një pallat në via XXV Aprile në Rovato. Gruaja jetonte në një apartament në katin e dytë.
Ambulanca mbërriti me urgjencë në vendngjarje por për fat të keq nuk kishte asgjë për të bërë. Në lidhje me rastin po vijojnë hetimet nga komisariati vendor.
Duhet pritur përfundimi zyrtar i hetimeve, por dyshimet janë të mëdha dhe mendohet të fshihet diçka tjetër pas kësaj ngjarjeje.
Komshinjtë e saj shprehen me fjalët më të mira për të dhe janë të habitur si ndodhi ngjarja, dhe ata e hedhin poshtë pistën që mund të jetë vetë hedhur.
Sipas tyre s’kishte arsye pse ta bënte një gjë të tillë, pasi ishte një njeri që e donte jetën dhe nuk është se kishte probleme apo të vunate nga stresi ose depresioni.
