Po kthehet në trend anulimi i koncerteve per shkak të pjesëmarrjes së ulët të fansave.
Një gjë e tillë ka ndodhur edhe me Doruntina Shalën e njohur gjerësisht si Tayna, e cila ka refuzuar të performojë para vetëm 100 vetave që ishin mbledhur në një nga klubet ku do të mbante koncert reperja.
Në një video të bërë virale në TikTok, duket një person përgjegjës i klubit, i cili me mikrofon ka dalë para fansave të Taynës duke u shprehur se Shala refuzon të dalë në skenë shkak i pjesëmarrjes së ulët.
“Ajo s’ka pranuar me dal, për shkak se e ve në dyshim atmosferën. Jashtë është në makinë, kështu që për arsyeje që ka pak njerëz ajo nuk do me dalë. Secili nga ju lekët i merrni tek dera,”-thotë personi në video.
Në video, dëgjohen gjithashtu fansat duke bërtitur njëzëri të zhgjënjyer nga ky veprim i reperes.
Ju kujtojmë që disa ditë më parë, Tayna publikoi bashkëpunimin me Lumi B “Valle”. Detaje të shumta u vunë re në këtë këngë të reperes. Doruntina risolli në vëmendje sherret mes repereve, duke i bërë diss Dafina Zeqirit dhe Melinda Ademit.
Përpos kësaj u zbulua se Shala kishte kopjuar një fragment të këngës nga një artist jamaican, i quajtur Jason McDermott ose siç njihet me emrin e artit Stylo G.
Bëhet fjalë për rrjeshtat: “Pull up in a pull up in a fresh Addidas, Tayna might ride them never need gas”.
I njëjti fragment është përdorur nga Stylo G dy vite më parë në këngën e tij “Bam Bam” të publikuar më 6 shkurt 2020.
