Pas përfundimit të spektaklit “Big Brother VIP”, Einxhel Shkira dhe DJ Dagz janë padiskutim një ndër çiftet më të komentuara në medien rozë.
Prej disa muajsh dyshja janë në një lidhje dhe nuk hezitojnë ta shprehin dashurinë e tyre, duke postuar foto nga pushimet që ata po kalojnë pranë njëri-tjetrit. Mirëpo së fundmi kanë qarkulluar shumë thashetheme se Einxhel është në një pritje të ëmbël.
Ndonëse lajmi u mohua fillimisht nga çifti, por mesa duket qënka i vërtetë.
Burime për “Prive.al” kanë konfirmuar se Einxhel dhe partneri i saj do të bëhen prindër së shpejti për herë të parë, pasi moderatorja ndodhet në javën e 16-të të shtatzënisë.
Deri më tani as moderatorja dhe as DJ Dagz nuk kanë reaguar në lidhje me këtë lajm, ndërsa pritet një konfirmim nga ana e tyre.
