Çmimet e siguracionit për automjetet janë rritur në mënyrë të papritur, pa asnjë arsye me 10.3%. Qytetarët thonë që çmimet e reja kanë nisur këto muajt e fundit dhe janë të njëjta gati në të gjitha kompanitë e sigurimeve.
Rritje ka për të gjitha llojet e siguracioneve duke filluar që nga motocikletat e deti tek mjetet bujqësore. Qytetarët më së shumti sigurojnë automjetin, pasi është i detyruar nga policia, ndërsa sigurimi i shëndetit lihet pasdore.
Qytetarët konfirmojnë rritjen e çmimit të siguracioneve të automjeteve, ndërkohë që ankohen se mungojnë sqarimet se përse është shënuar kjo rritje.
Gjithashtu, ajo që vihet re në sigurimet e automjeteve, është se nuk merret parasysh fuqia motorike e mjetit apo vitet e shoferit, siç është në disa shtet të Europës.
