Kumbaro paralajmëron pronarët e restoranteve: Afishoni çmimet jashtë t’i shikojnë njerëzit përndryshe…

Ministrja e Turizmit dhe Mjedisit Mirela Kumbaro dhe Drejtori i Përgjithshëm i Tatimeve Ceno Klosi kanë monitoruar situatën në bare, restorante dhe hotele në zonën e Ksamilit.

Kumbaro tha se çmimet i vendos tregu, por është shumë e rëndësishme transparenca në raport me klientët. Ajo i bëri thirrje të gjithë operatorëve të afishojnë çmimet edhe jashtë restoranteve për të qenë korrekt.

“Jemi në monitorim të të gjithë sezonit turistik, që nga pastërtia, që nga menaxhimi i plazheve, por edhe për t’u siguruar që sezoni të shkojmë mirë edhe përkundrejt respektimit ndaj detyrimeve tatimore.

Sigurisht ne nuk kontrollojmë çmimet, se është një treg i lirë, por është shumë e rëndësishme që të kemi një lloj qetësie të klientelës në raport me transparencën”, u shpreh Kumbaro.

Këtë vit, sipas drejtorit të përgjithshëm të tatimeve Ceno Klosi, është prioritare që bizneset të mos bezdisen më nga kontrolle masive, por të monitorohen në distancë dhe atje ku konstatohen probleme të merren masa.

“Arsyeja pse kemi ardhur me ministren e turizmit Kumbaro është sepse ka ankesa për mostransparencë. Qëllimi i vizitës është që të gjithë bizneset të kuptojnë që e mira e përbashkët është trasnparenca ndaj turistit pasi në momente të caktuara mund të sjellë fitime të vogla, por në plan afatgjatë shkakton dëme të pariparueshme“, u shpreh Klosi.

TE TJERA