Një fëmijë 4-vjeç është rrëzuar nga kati i dytë i banesës sot në Sarandë dhe ka marrë lëndimë të shumta.
I mituri është dërguar me urgjencë në spitalin Traumës në Tiranë. Policia po heton për rrethanat e ngjarjes.
“Sot, rreth orës 15:20, në spitalin e Sarandës është paraqitur për ndihmë mjekësore, një fëmijë i moshës 4 vjeç, i cili dyshohet se është rrëzuar aksidentalisht nga kati i dytë i banesës, në fshatin Berdenesh, Sarandë.
Fëmija do të dërgohet në Spitalin e Traumës, në Tiranë, për ndihmë mjekësore më të specializuar. Në vendngjarje ndodhet grupi hetimor, i cili po punon për zbardhjen e plotë të ngjarjes”, thuhet në njoftimin për shtyp të policisë.
Ngjarja dyshohet se ka ndodhur aksidentalisht por ende nuk dihen detaje të tjera. Pritet raporti i polotë i policisë që ka shkuar në vendngjarje.
I mituri është nisur drejt Traumës, pasi spitali i Sarandës përtej propaganës është një spital me kushte aspak normale dhe është i lënë shumë pas dore.
Duhej të ishte e kundërta duke ditur që Saranda muajt e verës është shumë e populluar dhe ka nevojë për një spital me kushte normale. I urojmë 4-vjecarit shërim të shpejtë dhe të mos ketë gjë serioze.
