Arbana Osmani do të bëhet nënë për herë të tretë. Pas dy djemve, Jonit dhe Diellit do të vijë në jetë një vajzë, ose “motra” siç e zbuloi Joni gjininë pak javë më parë.
Pas përfundimit të “Big Brother Vip”, Arbana duket se kohën e saj ia dedikoi udhëtimeve me familjen. Së pari me partnerin e saj Eduartin dhe më pas e gjithë familja së bashku.
Nuk harron të ndajë momentet e saj edhe me ndjekësit në rrjete sociale. Siç ka bërë edhe me këtë fundjavë që po e kalon në Bogë, atje ku kanë ndërtuar një shtëpizë familjare prej druri.
Mes fotove të postuara, njëra është më e veçanta, ajo me gjithë familjen me sfond natyrën. Duken Arbana, Eduarti, Joni dhe Dielli. Sa bukur, sa bukur.
“Familje”, shkruan Arbana krahas fotos. Komentet dhe reagimet për këtë foto kanë qenë të panumërta dhe sigurisht të gjitha ishin pozitive.
Arbana është në ditët e fundit të pritjes së ëmbël, ndërsa rikthimi i saj në ekran do jetë në fund të këtij viti ose në fillim të vitit të ardhshëm, kohë kur pritet të fillojë BBV2.
