Karamelet e preferuara me ngjyrat e ylberit kanë efekte anësore shkatërruese për shëndetin, ka thënë në konkluzionin e saj një gjykatë në SHBA, shkruan e përditshmja britanike Metro.
Jenile Thames ka paditur në gjyq pronarët e kompanisë Mars duke thënë se janë ‘të papërshtatshme për konsum njerëzor’ pasi kanë përmbajtje të kimikatit të rëndë të quajtur dyoksid titaniumi. Gruaja ngriti padinë e saj në Kaliforni ku akuzon kompaninë se nuk ka paralajmëruar klientët për përbërësit e produktit dhe rrjedhimisht i ka mashtruar.
I njohur me simbolin TiO2, dyoksidi i titaniumit është një përbërës ngjyrosjeje që përdoret rregullisht në qirinjtë, ëmbëlsirat, pastat e dhëmbëve dhe bojërat e lyerjes. Por parlamenti evropian ka ndaluar TiO2 të përdoret në ushqime prej fillimit të vitit, prej aftësisë së tij të dëmtimit të ADN-së njerëzore, që me kalimin e kohës mund të shkaktojë kancer.
