Muajt e shtatzanisë, Arbana Osmani duket se i ka vënë qëllim vetes të shëtisë botën.
Moderatorja që pas përfundimit të Big Brother Vip ka bërë udhëtime të shumta, kryesisht me Eduart Grishajn dhe djemtë e saj.
Ndërsa këtë herë është ndryshe. Osmani ka udhëtuar vetë, duke lënë bashkëshortin në kujdes të Jonit dhe Diellit.
Duket se këtë periudhë vetëm, Eduarti dhe Joni po e shfrytëzojnë në mënyrën më të mirë. Arbana në Instagramin e saj ka publikuar një video ku duket partneri dhe djali i saj duke luajtur me makina. Ndërsa si përshkrim të videos, moderatorja shkruan: “Mezi pres të kthehem tek djemtë e mi.”
Kujtojmë që në media ka pasur aludime se Arbana është në pritje të një vajzë, dhe këtë gjë e konfirmoi edhe djali i moderatores, Joni. Teksa po shijonte pushimet në Firenze, Arbana ndau me ndjekësit një video në Instastory, ku ishte së bashku me partnerin dhe dy djemtë e saj. Në një moment Joni tha “Ja në Firenze me motrën”, ndërsa përkëdhelte barkun e moderatores.