Zbulohen dy qendra pr*stitucioni në vendin tonë, në pranga 2 vajza (EMRAT)

Dy qendra masazhesh që përdoreshin për pro stitucion janë zbuluar nga policia e Tiranës ndërsa në pranga kanë përfunduar 2 administratoret.

Në kuadër të operacionit policor të koduar “Spa” u arrestuan shtetaset Jetmira Demiraj dhe Rexhina Lika, që administronin dy qendra masazhesh, në zonën e “Ish-Bllokut” dhe në zonën e “21 Dhjetorit”.

Sipas policisë, përveç aktivitetit të regjistruar si qendër masazhesh, në këto ambiente ushtrohej edhe prostitucion.

Njoftimi i policisë:

Finalizohet operacioni policor i koduar “SPA”.

Operacioni, i zhvilluar nga Komisariati i Policisë Nr. 2.

Goditen 2 raste të shfrytëzimit të qendrave të masazheve për prostitucion, vihen në pranga 2 shtetase.

Procedohen penalisht 3 shtetas dhe shpallen në kërkim 2 të tjerë.

Specialistët e Seksionit për Hetimin e Krimeve në Komisariatin e Policisë Nr. 2, në vijim të punës për goditjen e paligjshmërisë, pas një pune të mirëfilltë hetimore disamujore, bazuar dhe në informacionet e marra në rrugë operative për veprimtarinë e kundërligjshme të prostitucionit në 2 qendra masazhesh, organizuan dhe finalizuan me sukses operacionin policor të koduar “SPA”.

Si rezultat i këtij operacioni u bë ndalimi i shtetaseve:

– Jetmira Demiraj 30 vjeçe dhe Rexhina Lika 20 vjeçe, të dyja banuese në Tiranë, për veprën penale “Mbajtja e lokaleve për prostitucion”.

Shtetaset J. D. dhe R. L. administronin dy qendra masazhesh, në zonën e quajtur “Ish-Blloku” dhe në zonën e quajtur “21 Dhjetori”.

Përveç aktivitetit të regjistruar si qendër masazhesh, në këto ambiente ushtrohej edhe aktiviteti i kundërligjshëm i prostitucionit.

Në vijim të veprimeve u proceduan penalisht në gjendje të lirë shtetasit A. Ll., Xh. T., për veprën penale “Prostitucioni” dhe A. L., për veprën penale “Moskallëzimi i krimit”.

Gjithashtu, në kuadër të këtij operacioni u shpallën në kërkim shtetasit P. N. dhe E. D. Vijon puna për kapjen e tyre.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

TE TJERA