Teksa të gjithë po e prisnim me padurim, më në fund Luana Vjollca ka publikuar projektin e saj të radhës që me siguri edhe ky do pritet shumë mirë nga publiku
Në një rrëfim plot emocion, kurajo dhe motivim, Luana ka paraqitur historinë e saj të jetës dhe përpjekjet e një “Nëne Heroinë” për të bërë gjithçka për fëmijët e saj.
“Ajo u vetëmohua për ne! Mes greminash qëndroi e fortë për ne! Unë nuk mbaj mend të më ketë munguar diçka sepse ka patur gjithmonë shumë dashuri!
Sot nuk i numëroj më hapat, rënia nuk më tremb më! Faleminderit mà që nuk na le me ra!”-shprehet Luana në historinë rrënqethëse për njeriun e saj të jetës.
Në klip shihet ajo teksa ende e lirë e plot forcë nëpër një lëndinë, forcë kjo e përcjellë nga e ëma për të qëndruar me kokën lart pas çdo sfide në jetë.
Luana Vjollca ka fituar respektin dhe duartrokitjen e të gjithëve me projektin e saj “Thuaje”, ku të gjitha historitë dhe këngët e publikuara janë shumë njerëzore dhe të gjithë e gjejmë veten aty.
