Miri i West Side Family, është padyshim anëtari më hermetik i këtij grupi. Që në fillimet e karrierës ai është përpjekur të depërtojë në zemrat e publikut me talentin e tij dhe jo me jetën private.
Si rrallëherë ai ka folur për martesën e tij me gruan gjermane me të cilën ka dhe një vajzë.
I ftuar në emisionin e moderatores Ester Bylyku, ‘Glamour Zone’ në TV ORA, Miri apo i njohur si Xhikja foli për herë të parë për familjen e tij.
Ester Bylyku: Çfarë gjete te një vajzë gjermane, që nuk e gjete te një vajzë shqiptare?
Miri West Side Family: Nuk gjeta diçka specifike, por diçka në kompleks. Nuk mund ta shpjegoj me një fjalë teke. mendoj, afrimiteti, kuptueshmëria, dhënia e mundësisë që unë të bëj atë që dua. Unë jetoj në Shqipëri, ndërsa gruaja me vajzën në Gjermani, dhe ky mirëkuptimi më ka pëlqyer. Gjermanët e vlerësojnë më shume njeriun që merret me art.
